Zertan amets egiten dute landareek? Gasteizko Samaniego IPIko, Ramón Bajo HLHIko eta Odon de Apraiz Ikastolako ikasleekin egindako lantegi bat izan zen. Parte-hartzaileek museoaren lorategiko landareekin lan egin zuten, beren subjektibotasuna eta adimena duten izaki bizidun gisa hartuz. Jardueran zehar, modu ludiko eta elkarreragilean aztertu zituzten landareen pertzepzio-gaitasunak eta kognitiboak, bizi-erritmoak, portaera eta adierazpideak, irudimenezko ariketen bidez hainbat teknika artistiko erabiliz.
Lantegi hauek 2025eko udaberrian egin ziren, Artium Museoko lorategian, eta Michael Marder filosofoaren eta Anaïs Tondeur artistaren arteko ia hamar urteko lankidetzaren emaitza dira.
Kredituak:
Grabaketa, edizioa eta musika: Xabier Erkizia (audio-lab.org). // Samaniego, Ramon Bajo eta Odon de Apraiz ikastetxeetako ikasleen audioa. // Michael Marder eta Anaïs Tondeurri egindako elkarrizketen audio jasoa.